Carbon to Sea Initiative leiðir metnaðarfulla alþjóðlega rannsóknaráætlun sem ætlað er að kanna hvort aukning á basavirkni hafsins (e. Ocean Alkalinity Enhancement, OAE) sé skilvirk, örugg og varanleg leið til þess að fjarlægja koldíoxíð úr andrúmsloftinu.Rannsóknaráætlun Carbon to Sea byggist á vegvísi þar sem þverfagleg vísindateymi um heim allan gera rannsóknir, verkfræðiteymi finna leiðir til mælinga og aðgerða og hagaðilar koma að umræðu og greiningum. Markmiðið er að byggja upp net rannsóknarstöðva á nokkrum stöðum í heiminum sem hafa tilskilin leyfi, búnað og aðföng til rannsóknarstarfa á þessu sviði og þannig flýta fyrir vísindalegri þekkingu.Þessu einstaka alþjóðlega verkefni er ætlað að skoða kerfisbundið hvaða áhrif aðgerðir á sviði aukningar á basavirkni hafsins geta haft á lífríki, samfélög og hafið sjálft. Lágmarka þarf áhættu og óvissu en einnig ákvarða hvort, hvernig og hvaða aðferðum gæti verið beitt á öruggan og kostnaðarhagkvæman hátt til að fjarlægja CO2 í stórum stíl úr andrúmsloftinu.Mikilvægt er að taka tillit til aðstæðna á hverjum stað auk þess að miðla þekkingu á milli svæða og hafa því verið sett á fót sjálfstæð ráðgjafaráð sem eru rekstraraðilum Carbon to Sea í viðkomandi landi til ráðgjafar við skipulagningu á mælingum og mat á gögnum.